Считается, что писатель — это зачастую противоположность своим персонажам. Пишет сублимируясь, то есть, чтобы, воплотясь в своих героев, стать таким, каким не является в жизни.

Леанід Дайнека (28 студзеня 1940 г., в. Зміт- раўка 2-я Клічаўскага раёна - 21 жніўня 2019 г.) першы ў беларускай прозе стварыў гістарычны раманны цыкл (“Меч князя Вячкі”, 1987; “След ваўкалака”, 1988; “Жалезныя жалуды”, 1993). Яго творам уласцівы разгалінаваныя сюжэтныя лініі, шматгеройнасць, падзейнасць, мастацкі псіхалагізм. Раманная серыя выяўляе спалучэнне дакументальнага матэрыялу з мастацкай выдумкай, значную аўтарскую ўвагу да асэнсавання канфесійных праблем на славянскіх землях. Як трапна зазначае Алесь Марцновіч, дзякуючы ўмелай пабудове сюжэта гэта яшчэ і захапляльнае чытанне. Аднак раманы мастака слова мала назваць проста прыгодніцкімі: “Увядзенне прыгодніцкіх элементаў для Леаніда Дайнекі - не самамэта, а толькі мастакоўскі прыём, што неабходны для таго, каб заінтрыгаваць чытача, а значыць, трымаць яго ў пастаянным напружанні, каб ён, з нецярпеннем чакаючы развязкі, усё глыбей пранікаў у сутнасць тагачасных падзей, узаемаадносін пэўных персанажаў, а тым самым і спасцігаў саму гісторыю”. Пісьменнік выступае творчым спадчыннікам Уладзіміра Караткевіча, які ў тым ліку праз мастацкую забаўляльнасць звяртаўся да асэнсавання складаных нацыянальных і агульнафіласофскіх праблем.

Таццяна Лаўрык (Беларускі дзяржаўны універсітэт, Мінск, Беларусь)

Адлюстраванне эпохі праўлення Жыгімонта III Вазы ў рамане Л.Дайнекі "пра лісоўчыка, злога хлопчыка"

У артыкуле разглядаецца зусім не распрацаваны ў айчынным літаратуразнаўстве вспект раманістыкі ЛюДайнекі - асаблівасці яе прасторава-часавай арганізацыі. Адзначаецца, што прасторава-часавыя паказчыкі твораў пісьменніка пра мінулае, сучаснасць і будучыню маюць рознае ідэйна-канцэптуальнае ўвасабленне, адлюстроўваюць арыгінальны падыход аўтара да адбору і апрацоўкі мастацкага матэрыялу. Усё гэта дазваляе вылучыць у прозе Л. Дайнекі тры перыяды: рэалістычны, фальклорна-міфалагічныі эксперыментальны.